Monday, May 20th, 2013

Qaybtii 1aad Ee Sheekadii “Lamaanihii Wanaagsanaa Waqtigaa Kale Geeyey.

May 13, 2012 - Written by admin - Edited byadmin

Lamaanihii wanaagsanaa waqtigaa kala geeyay.

Salaamulaahi caleykum dhamaan asxaabta hawada inagala xariidhay meel kasta oo aad dunida ka jogtanba Waa bahda baidomedia oo idil leh maalin wanaagsan kuna soo dhawada sheekadeenii xiisaha iyo kal Gacalka laheed ee “Lamanahii wanaagsana waqtiga kale geyey”

Hadaba sheekadani oo ahaan doonta isbuucle waxaan idiin soo gudbin doonaa maalin kasta oo axad ah

Hadii allaha awooda sare lahi ogolaado waxa qoray sheekada haatana idinla socod siin doona aniga oo ah

Ismail abdi aden “Waasuge” waa mar kale iyo sheekadii oo inoo bilaabata ee kabogosho wacan.

!!! Waxa ay aheed subax udgoon badan xalay waxaa da’ay roob miiraale ah oo harqiyey dhaman dhulka,

Dadka ku noolaa baadiyah waxa aay ka shekeysanayen roobka da’ay waxaana curatay deyr waagsan.

“Saynab” iyo qoys keeda waxa aay ku noolaan jireen miyaga soomaalia waxa ayna ahed gabar hor booda

Qoyska Reer “Maxamed”maadaama aabe maxamed uusan dhalin wax wiil ah gobdho mooyane.

Waxa aay ka toostay xili hore si aay xoolaha usoo maasho una qabato shaqada guriga waxa ayna aheed

Gabar howl kar ah kuna fir fircoon xaga shaqada iyo ka qeeyb qaadashada dhisida reer keeda,sida Caadadada aheedba “Saynab marka aay dhameyso shaqada guriga waxa aay raaci jirtay xoolaha gaar Ahaan ariga,subaxaa way faraxsaneed maadama roob da’ay xalay oo waxa ay laheed rajo wanagsaan

Oo waxaa bilaa biloow ahaa barwaaqadii Alle Swt ku maneeystay dhulka iyo dadka ku noola badiyaha.

waxa aay xoolaha u raacday meel had iyo jeer ay kula kulmi jirtay saaxiib teeda qaaska ee “xaliima” kadib

Kulankoodi barqonimo “Saynab iyo xaliima” waxaa dhax marey sheeko aad u macaan badan maadama ay

Ahaayeen saaxibo nolosha ka dhaxeyso oo waqti iyo waayo badana soo marey, waxee sacada gucleyso

Oo lawada mushaxo hadba la daawado dhirta lana qaato necowda carafta badan ee ka so baxday roobka

Waxaa dhamaadey waqtigii wana la is mac salameeyey oo la balamay kulan danbo iyo caafimaad badan.

“Xaliima waa gabar aad ujecel shekada iyo waqtiga ay la joogto saxiibteed “Saynab” waxa ayna mar kasta

Ugu duceeyn jirtay allow ku deeyso kuna sii guul iyo farxad aan dhamad laheyn abaayo,dhanka Saynab na

Waxee aheed mid kala siman oraahda ducada oo mar waliba waxa ugu jawab celin jirtay kawacan teyda.

Waa lakala tagay “Saynab” waxa aay usoo hoyotay si nabad ah waxayna sii guda gashay shaqadedi

Joogtada aheed ka dibna waxa ay soo ak fariistay hooyo “Caasho” Oo aheed eedo uu qabo aabo

“Maxamed” waxeyna uga shekeysay waqtigii macanaa ee maanta ay lasoo qadatay saxibaded “xaliima”.

Maama caasho waa eedo aad u wanaagsan had iyo jeerna waxey “Saynab” uga shekeyn jirtay taariikhda

Nolosheeda,dhaqanka soomalida iyo dumarka soomaliyeed wax qabadkooda iyo doorka ay nolosha ku

Leeyahiin,waxayna markasta ku waani jirtay inee noqoto gabar dadka xushmad siisa,xishoot yeelato,kuna Dadaasho Alle ka cabsiga iyo in laga amaan helo afkeeda iyo adinkeedaba.

“Saynab waxa ay aheed gabar Aad u dhageeysata hadalka eedo “Caasho” waxeena ugu jawab celisay waayahy hooyo macaan Qeyr Allaha ku siiyo adigana ayadoo raacisay waa xili danbo hooyo macaan ina xaree waan sexeynaa…

Qeybtii 1aad ee sheeekadeeni ” Lamanahii wanaagsan waqtiga kale geeyey” maanta inta ha inoo joogto,

intaan axada fooda nagu soo haysa mar kale dib hawada dib ugu kulmi doono waa “waasuge” iyo dhaman bahda baidomedia oo idin leh nabaadiino waxan idin kaga tagi doona heesta isbuuca iyo mira heestii “Waqti” iyo fanankii boqorka codka maxamed suleyman “Tubeec” dooqii saxibkey Abdi Casiis “dhagacade”

 

( Miraha heesta waqti )

Waqtiyow dhibaatada

hay isoo dhaweynine

dhalinyaro intaan ahey

waxaan ii dhameyneyn

sharafteydan dhawroo

dhegaha iyo aragaba

ka dheeree agteyda

 

Waqtiyow dhul omosoo

wabiyadu is dhaafin

beeraha dhexdoodiyo

dhirtu ubax macaan dhalin

dhaayaaha u rooneyn

dhalinyaro intaan ahey

dhegaha iyo aragaba

ka dheeree agteyda

 

Waqtiyow dhismaha guud

dowlada aan dhaliiloo

dhibaatadan i gaadhiyo

ka warqabin dharar qudha

dhaqankaan ku noolahey

dhalinyaro intaan ahey

dhegaha iyo aragaba

ka dheeree agteyda

 

Waqtiyow la dhaqan dumar

lama dhaafi karayee

dhalanteedka caashaqa

mid ah toban dharaarood

ama aanu dhab ka aheyn

dhalinyaro intaan ahey

dhegaha iyo aragaba

ka dheeree agteyda

 

Waqtiyow dhulkaagiyo

adduunyada dhiskeediyo

dhaxalkiyo doogiyo

dhoobadiyo canbuushiyo

kugu dhaarshey diintee

arimaha aan kuu dhigey

dhalinyaro intaan ahey

dhegaha iyo aragaba

ka dheeree agteyda

 

Lasoco Qeybta 2aad ee sheekada isbuuca dambe haddi Allaha awooda lahi inoo saamaxo asc wr wb !!!

 

 


Nagala Soo Xiriir

dhagacade2@hotmail.com

info@baidoamedia.com

Leave a Reply