• Home
• Maqaalo
• wararka
• Sports
• DIINI
• Suugaanta
• TACSI & Tahniyad
• bulshada
• Xoolaha

Cilmiga Xannaanadda Xoolaha Qeybtii 20aad & Hassan Basha Ismael.‏

Dulinnadda xoolaha nool.

Dulin-duleedka:-waxa dulinnada laga helaa xoolaha nool sida;maqaarka,dhegaha,dabada hoosteeda,candhada ,naasaha,dhoorka iyo macasha.dulinada xoolaha nool waa ay waxyeelo badan yihiin sida:

• Waxa cariyaan xoolaha oo muddo badan is xoqo iskuna xoqo walaxaha kale sida geedaha.
• Waxa ay fidiyaan cuduradda;
• Waxa ay ka nuugaan xoolaha dhiiga oo ay sababaan dhiig yari.
• Waxa ay qaniinaan maqaarka xoolaha nool oo ay dhaawacaan, kaas oo tayada iibka ee haragaha hoos u dhigin karaa.

QAAR KA MID AH DULIN-DULEEDKA KU DUL NOOL XOOLAHA KAAS OO UKEEN KARA:-

1.       Shilinta:- Xoolaha ay ku nool yihiin waa lo’da,ariga iyo geela.waxyeelada ay keeni karaan waxa ka mid ah:-

• Jaqidda dhiiga.
• Dhiig yari ayey u keenaan xoolaha nool.
• Wax yeeleynta  magaarka iyo saanta.
• Deganaansho la’aan,hoosna u dhigaan wax soosaarka neefka.
• Fidiyaan cudurrada.

2.       Gaafanaha:- xoolaha ay ku nool yihiin waa: ariga, digaagga, geela, iyo fardaha.wax yaabaha ay u keeni karaan waa:

• Degganaansho la’aan iyo wax saasaar hooseeya.
• Jaqidda(nuugidda) dhiiga, dhiig yari u keened.
• Baalasha ayaa ka rifma digaagga .
• Lugaha ayaa cadhooba digaagga.
• Dhogarta ayaa ka hoolanta idaha.

3.       Takfida:- waxa ay ku dul nool yihiin digaagga wax yeellada u keenaan waxaa ka mid ah; jaqida dhiiga iyo deganaansho la’aan.

4.       should i get a divorcerong>Dhuugga: waxa laga helaa dhamaan xoolaha la dhaqdo waxyeeladda  u keen akaraan waxa  mid ah:

• Gudbinta cudurrada.
• Jaqida dhiiga oo keena dhiig yari.
• Degganaansho la’aan.

5.       INJIRTA( QIRINQIIRKA):- waxa laga helaa digaagga idaha, lo,da iyo fardaha: waxey sababaan jaqida dhiiga, dhiig yari iyo deganaansho la’aan.

                                  XAKAMAYNTA GUUD EE DULIN-DULEEDKA XOOLAHA NOOL.

Dulin-duleedka xoolaha  siyaabo kala duwan ayaa loo xakamey karaa, in kastoo ay qaarkood ay qaali ah qaarna jaban yihiin.

v  Dhibaynta:- Waxa ay dhibtu leedahay walxo kiimikallo ah oo dila dulin-duleedka sida;shilinta iyp gaafanaha.waxa lo’da iyo ariga la dhibeeyaa marka la dareemo in dulin-duleedku ku soo badanayo.

v  Buufinta:-waxa mararka qaarkood dulin-duleedka lagu xakameyn karaa iyada oo laga buufiyo xoolaha hal mar toddobaadkiiba.

v  Gacan ku dhibayn: marka ugu horreysa xoolaha ayaa lagu dhibeeyaa gacanta iyada oo  dhibta lawada gaarsiinayo jirka oo dhan, sababta oo ah habka buufinta, dhibtu ma wada gaarto dhegaga gudahooda, dabada hoosteeda iyo geesahaha guntooda. Dhibayyta  gacanta waa in loo adeegsadaa macamo gashi.

v  Bannaynta kaymaha:- waxa habkan lagu xakameeya meelaha uu ku dhalo duqsiga dhiigga xoolaha ka dhuuga.

v  Deyr u sameeyta:- waxa uu deyrku xoolaha kaceliyaa xaywaanadda duur joogta ah, dulinnadooda iyo dulin-duleedka xoolaha la jaarka ahi si aanay u fidin.

v  Daaqista wareegga ah (Sareeynta):-daaqista wareegga ah  waa iyada oo xoolaha hadba la daajiyo dhul daaqsimeedka  meel ka mid ah inta ay qaybta kale dib u baxayso.

Gacan ka gurista:- Habkan gacanta ayaa xoolaha lagaga guraa dulin-duleedka ka dibna waa la dilaa

W/Q:  Hassan Basha Ismaek.
E-mail: bashaa03@hotmail.com
BURAO TOGDHEER.

Nagala Soo Xiriir