Halka uu shaki ku jiray kaalimaha sedaxaad iyo afaarad kuwaasoo ayana  galabta lagu kala baxay  ciyaartii ugu dambeysay horyaalka Ingiriiska, kooxda Chelsea waxey gurigooda ku martigaliyeen kooxda Everton  xili Chelsea  ay aad ugu baahneed  in ay xaqiiqsato booskeeda sedexaad.

Ciyaarta markii ay socotay 7 daqiiqo ayey cayaaryahanada kooxda Chelsea fursad heleen waxaana uga faa’ideeyay waareryahankooda Mata ,intaas ka dib kooxda Everton oo dadaal  badan sameysay ayay u suuragashay in ay hesho goolkeedii  bareejada daqiiqadii 14 aad  waxaana u dhaliyay laacibkooda Naismith  waxaana lagu kala nastay hal iyo hal.

Markii leysugu soo laabtay qeybtii labaad ee ciyaarta ,ayaa kooxda Chelsea waxey lasoo gashay dar dar garoonka ayadoo heshayna dhowr furasdood oo loo fishay gool,intaas kadib laacibka reer Spain F.Tores ayaa shabaqa ku hubsaday madax uu soo dhigay V.Moses  daqiiqadii 76 aad ee ciyaarta  guushane ku raacday kooxda Chelsea.

Dhanka kale kooxda Arsenal ayaa  marti u aheyd kooxda  Newcastle United  ciyaartii ugu dambeysay horyaalka xili ay Arsenal baadi goob ugu jirtay Champion League xili ciyaareedka soo socda.

Labada kooxoodba waxey soo bandhigeen ciyaar weerar iyo weerar celis ah walow Arsenal ay heshay goolkii guusha daqiiqadii 52aad waxaan u saxiixay laacibkooda uga ciyaara daafaca L. Koscielny, guushan ayaa Arsenal u suuro galisay rajadeedii Champion League sanadka dambe halka kooxda Tottenham ay soo gaba gabowday rajadeedii Champion league  in kasto ay galabta guul kusoo xirtay horyaalka Ingiriiska ,kana tilaabsatay kooxda Sunderland hal iyo eber goolka guusha waxaa u dhaliyay Bale .

Yusuf Hashi Elmi, Baidoa Media, Norway.

Bayern Munich oo marti u aheyd kulankii ugu danbeeyay horyaalka Bundesliga ee xilli ciyaareedkan Borussia Monchengladbach, ayaa ka soo kabsatay hogaanka 3-1 ah islamarkaana ku badisay aakhirkii 4-3.

Ciyaarta oo socota kaliya 10 daqiiqo ayaa Bayern Munich oo kooxda adag ku soo shirtagtay kulankaan lagu hogaaminayay 3-1, waana goolashii ugu dhaqsiyaha badnaa ee intaas la eg ee la iska dhaliyo horyaalka Jarmalka.

Labo gool uu dhaliyay Franck Ribery iyo goolal ay kala dhaliyeen Javi Martinez iyo Arjen Robben ayay guusha ku raacday kooxda FC Hollywood oo isku diyaarineysa kulanka finalka Champions League ee sabtida soo socota ay Wembley kula ciyaarayaan Borussia Dortmund.

Borussia Dortmund oo ku dhameysatay kaalinta labaad ee Bundesliga xilli ciyaareedkan ayaa kulankeedii ugu danbeeyay ee xilli ciyaareedka horyaalka Jarmalka ku soo gabagabeysay guuldarro 2-1 oo ka soo gaartay Hoffenheim.

Bayer Leverkusen ayaa iyadana ku dhameysatay kaalinta 3aad ee Bundesliga iyagoo si toos ah uga qeybgeli doona Champions League, waxana ay kulankoodii ugu danbeeyay ee xilli ciyaareedka ay 1-0 ku direen kooxda Hamburg.

Kooxda Schalke ayaa iyadana guul 2-1 oo ay ka gaartay Freiburg waxa ay u xaqiijisay inay ku dhameystaan kaalinta afaraad islamarkaana ka qeybgalaan Champions League xilli ciyaareedka soo socda.

Saamiya Afqarshe, Baidoa Media Sport.

Ciyaar ku bilowday xamaasad aad u weyn ayaa waxaa daqiiqadii 13aad Real Madrid waxaa hogaanka gool madax ahaa ugu dhiibay Xidigooda Cristiano Ronaldo.

Real Madrid ayaana abuureysay fursado aad muhiim ahaa oo qaarkood birta ka beenisay, waxaana mid ka mid ah sigay ciyaaryahan Ozil oo kubad uu ku tuuray goolhayaha, inta ay daba martay birta ka soo celisay.

Atletico Madrid ayaa soo noolaatay, markii kubad uu si fiican ugu ged-gediyay Falcao daafacyada Real u dhex bixiyay Diego Costa oo goolka qalinka ku duugay markii uu daba mariyay goolhaye Diego Lopez.

Ciyaarta ayaa inteeda badneyd aheyd mid aad u dhib badneyd, qaladaadkana ahaa mid joogto, inkastoo ciyaartoyda Real Madrid ay ka eed sheeganayeen Tababaraha oo aan u dhigin dhowr qalad oo lagu galay.

Hase ahaatee muranada ciyaaryahanada Real ayaa keenay inay qaataan jaalihii ugu badnaa ciyaarta, waxaana qeybtii hore lagu kala nastay gool iyo gool.

Qeybta labaad ee ciyaarta ayaa markii la isku soo laabtay waxaa mar kale halkeeda ka bilowday dar dartii ciyaarta, Real ayaa mar walba hanjabaad u direysay goolka Atletico

waxaaana ilaaa 90 daqiiqo ey socotay ciyaarta sidoo kale tababaraha real Madrid ayaa garoonka laga saaray .

Waxaana dhowr jeer ay sigeen goolka, kaasoo ugu dambeyn daqiiqadii 8aad ee 15-ka daqiiqo ee hore waqtiga dheeriga ay ku heshay gool, kaasoo uu madax ugu saxiixay ciyaaryahan Miranda oo daafaca ka ciyaara, waxaana goolkaas uu ahaa mid luqunta u galay Real.

Waxaa lagu daray waqti dheeraad ah oo kala bax ah, xidiga Real Madrid Cristiano Ronaldo ayaa jaale labaad ku qaatay Gabi, dabadeedna calaamada cas loo raaciyay, isagoo dibada looga saaray garoonka ciyaarta oo ka harsaneyd shan daqiiqo

Ciyaarta ayaa ku soo dhamaatay 2-1 oo ay Copa Del Rey ku qaaday Atletico Madrid oo sanadkii 1999-2000 ay Bernabue uga qaaday Real markii 3-1 ay dirtay, waxaana labo ka mid ah goolashaas u dhaliyay xilligaas Jmmy Floyd Haselabiank.

Saamiya Afqarshe, Baidoa Media Sport.

Xiddiga reer Argentina ayaa la bedelay bartamihii qeybtii labaad ee kulankii ay 2-1 kaga badiyeen Atletico Madrid habeenkii axada, iyadoo laga shaki qabay inuu dib uga dhaawacmay halkii uu xilli sii horeysay ka dhaawacnaa.

Baaritaano la sameeyay maanta ayaana cadeeyay in dhaawac kale uu ka soo gaaray ciyaaryahanka muruqa lugtiisa midig.

Kooxda ayaana filaneysa in dhaawacan uu keeni doono inuu Messi garoomada ka maqnaado muddo labo ilaa seddex isbuuc taasoo suurtogal ka dhigeysa inuu maqnaado inta ka dhiman xilli ciyaareedkaan, iyadoo inuu diyaar noqonayo kulamada haray lagu qiimeeyn doono xaalada dhaawaciisa iyo hadba sida ay tahay.

Messi ayaa markii hore uu jeex ka galay muruqa kulankii lugta hore ee wareega 16ka Champions League ee bilowgii April ay la ciyaareen PSG, waxaana uu ilaa iyo mudadaas marna ciyaarayay marna ka maqnaa kooxda isagoo isku dayayay inuu dib u helo taam ahaanshihiisa buuxda.

Saamiya Afqarshe, Baidoa media Sport.

Ciyaarta oo ku dhamaatay goolal la’aan ayaa la hakiyay labo daqiiqo ka dib bilowgii qeybta labaad, si loogu ogolaado in codbaahiyaha loogala hadlo taageerayaasha ku hadaaqayay ereyada cusnurinimada ay ku dheehan tahay inay joojiyaan.

Inkastoo Lega Calcio aysan shaacin seddexda ciyaaryahan ee sida tooska ah loo bartilmaameedsaday, hadana Mario Balotelli ayaa la arkayay isagoo fartiisa saaraya afkiisa si uu u aamusiyo taageerayaasha Roma.

Kabtanka Roma Francesco Totti oo casaan qaatay dhamaadkii ciyaarta ayaana u dhawaaday taageerayaasha Roma si ay u joojiyaan cunsurinimada ay ku qeylinayeen.

Kubada cagta Italy ayaana dhibaato weyn waxaa ku heysa cunsurinimada, iyadoo xiriirka wadankaas uu inta badan ku soo rogo ganaaxyo lacago yar ah sida 50 kun euros, ama in garoon xiran ay kooxaha ku ciyaaraan inkastoo sida caadiga ahba garoomada Italy ay iska maran yihiin.

Saamiya Afqarshe, Baidoa media Sport.

Barnaamishka cayaaraha ee Radio Baydhabo ayaa ah mid inta badan uu noosoo diyaariyo wariye Aadan, todobaadkaana waa mid aad u xiisa badan.

Manchester ayaa ciyaartii maanta ku macsalaameynaysay macalinkooda Sir Alex Ferguson maadaama uu ka fariistay cayaaraha iyo weliba tababaranimada.

Bilowgii ciyaarta  ayaa  ciyaartoyda  Man united iyo kuwa swansea city iyo shaqaalaha Red Devils u safteen  macalinka ugu guulaha badan taariikhda  Premier League Sir Alex Ferguson ayagoo  siiyay sacab sharafeed iyo saf dheer.

Waxaana garoonka Old Trafford oo ahaa mid intiisa badan midabka guduudan uu  qariyay  lagu soo bandhigay boorar lagu muujinayo sida weyn ee ay u ixtiraamayaan macalinkooda ugu guulaha badan kaasoo ciyaaraha ka fariisanaya.

Manchester United ayaa dar dar lasoo gashay ciyaarta xili ay  aad u daneyneysay in ay guul ku macsalaameeyaan macalinkooda walow ay gool heleen dhamaadka qeybtii hore ee cayaarta uu una dhaliyay Javier Hernandez  laguna kala nastay hal iyo eber.

Markii leysugu soo laabtay qeybtii labaad ee ciiyaarta  ayaa labada kooxoodba dar dar lasoo galeen, una suura gashay Swansea city in ay hesho goolkii bareejada wax yar ka dib waxana u dhaliyay wiilka reer spain Michu.

Intaas kadib Manchester united ayaa qabatay mar kale  hogaanka ciyaarta, waxaana u dhiibay laacibkooda Rio  Ferdinand dhamaadkii ciyaarta, Manchester united ayay u suura gashay in ay macalinkooda  Sir Alex Ferguson ku sagootiyaan guul.

Guusha ay galabta gaartay Man united ayaan waxba ka  badelin kala sareynta horyaalka  marka laga reebo in ay guul ku macsalaameeyeen macalinkooda.

Waxaana la gudoonsiiyay Manchester united koobkeedii 20 aad ee horyaalka Ingiriiska.

Kabtanka  Manchester united iyo kuxigihiisa ayaa ku sharfay inuu Sir Alex Ferguson  koobka gudoomo.

Genao oo xaqiijisatay inay sii joogeyso Serie A xilli ciyaareedka danbe iyadoo uga mahadcelineysa guuldaradii 1-0 Palermo ka soo gaartay Fiorentina ayaa nasiibdarro ku laheyd inaysan wax gool ah ku dhalin qaab ciyaareedkoodii qeybta hore ee ciyaartii maanta.

Inkastoo iyaga laftooda ay ka badbaadeen Tommaso Rocchi oo guul u sahli lahaa kooxda martida loo yahay, oo ay fursad halis ah birta ka beenisay.

Inter Milan ayaana u dhacday kaalinta 9aad ee kala horeynta horyaalka Serie A iyagoo leh 54 dhibcood, halka Genao ay ka badbaaday inay u laabato Serie B iyagoo leh 37 dhibcood kuna jira kaalinta 17aad waxaana ay shan dhibcood ka sareeyaan Palermo uu laabatay horyaalka Serie B madaama ay leedahay 32 dhibcood iyadoo hal kulan uu horyaalka ka harsan yahay.

Palermo, Siena iyo Pescara ayaana xaqiijistay inay aadayaan horyaalka heerka labaad ee Talyaaniga xilli ciyaareedka soo socda.

Saamiya Afqarshe, Baidoa media Sport.

Steven Nzonzi ayaa gool uu madax ku dhaliyay hogaanka ugu dhiibay Stoke ciyaarta oo socota kaliya seddex daqiiqo, laakiin Tottenham ayaa goolka barbaraha heshay markii uu kubad uu si wacan u dhameystiray u dhaliyay Clint Dempsey.

Rajadii Stoke ay ka laheyd inay ugu yaraan dhibic ka hesho ciyaarta ayaa dhaawac weyn uu soo gaaray markii Charlie Adam casaan la siiyay kaliya daqiiqad markii ay socotay qeybta labaad isagoo qaatay jaalihiisa labaad, xitaa hadii ay Tottenham ku qaadatay inay goolka guusha hesho ilaa daqiiqadii 83aad ee ciyaarta.

Isagoo ka faa’ideystay kubad nasiib aheyd oo ku dhacday qof kale, Adebayor ayaa shabaqa ku hubsaday goolka guusha taasoo keentay in Spurs ay labo dhibcood ka sarre marto Arsenal oo ay kaalinta afaraad kala wareegto inkastoo ay hal kulan sii hor ciyaartay marka Gunners loo fiiriyo.

Hadii Tottenham barbaro lagu qaban lahaa, Arsenal waxa ay u baahnaan laheyd kaliya inay Wigan ku garaacdo garoonkeeda kulanka talaadada taasoo u xaqiijin laheyd booskooda Champions League. Laakiin goolka guusha ee uu dhaliyay ciyaaryahankoodii hore ayaa keeneysa inay weli cadaadis kala kulmaan deriskooda, iyadoo tartanka booska ugu danbeeyay ee Champions League la isla gaari doono ilaa kulanka ugu danbeeya ee xilli ciyaareedka.

Saamiya Afqarshe, Baidoa media Sport.

Markii seeriga ciyaarta lagu dhuftay ayay labada kooxoodba dar dar ku bilaabeen , kooxda city ayaa 10 kii daqiiqo ee horaba waxey sameysay dadaal  badan inkastoo ay helin wax goolal ah.

Kooxda Wigan waa ay hor istaagtay Man city waana ka ilaalisay shabaqa  waxaana lagu kala nastay bar baro. markii ay bilaabatay qeybtii dambe ee ciyaarta  ayaa Wigan waxa ay lasoo gashay dar dar cusub weyna ka gacan sareysay Man city xaga weerarka . intaas  kadib macalinka reer talyaani ee man city ayaa waxaa sameyay dhowr badaal taasina waxba kama badalin ciyaarta,intaas  kadib man city waxaa roso ama gaduud ka qaatay  ciyaarhan Zabaleta daqiiqadii 84 kana ciyaar difaaca.

B watson ayaa soo afjaray rajadii reer man city iyo macalin kooda mancini  kana dhaliya gool soo dahay dhamaadkii ciyaarta , gulaadarada man city ee kasoo gaartay  finalka kooba fa cupka ayaa qalqiil sii galineyso rajada macalinimada ee mancini